അറിയിപ്പുകള്‍
ഗോത്രജീവിക പദ്ധതിയിലേക്ക്‌ അപേക്ഷിക്കാം

07-Jul-2017
മലപ്പുറം : തൊഴില്‍ പരിശീലന പരിപാടികളിലൂടെ പട്ടികവര്‍ഗ്ഗക്കാരുടെ തൊഴില്‍ വൈദഗ്‌ധ്യം വര്‍ദ്ധിപ്പിച്ച്‌ തൊഴിലും ജീവനോപാധിയും ഉറപ്പുവരുത്തുന്ന ഗോത്ര ജീവിക പദ്ധതിയിലേക്ക്‌ അപേക്ഷ ക്ഷണിച്ചു. പട്ടികജാതി വികസന വകുപ്പാണ്‌ പദ്ധതി നടപ്പാക്കുന്നത്‌. കേരളസര്‍ക്കാര്‍ സ്വയംഭരണസ്ഥാപനമായ സെന്റര്‍ഫോര്‍ മാനേജ്‌മെന്റ്‌ ഡെവലപ്‌മെന്റാണ്‌ പദ്ധതിയുടെ നിര്‍വ്വഹണ ഏജന്‍സി. കെട്ടിട നിര്‍മ്മാണം, മരപ്പണി, കെട്ടിട നിര്‍വ്വഹണസാമഗ്രികളുടെ നിര്‍മാണം, വയറിംഗ്‌, പ്ലംമ്പിഗ്‌, ഡ്രൈവിംഗ്‌ തയ്യല്‍ എന്നിവയിലാണ്‌ പരിശീലനങ്ങള്‍. 18 നും 45 നു മിടയില്‍ പ്രായമുള്ള പട്ടികവര്‍ഗ്ഗ വിഭാഗത്തില്‍പ്പെട്ടവര്‍ക്ക്‌ അപേക്ഷിക്കാം. ട്രൈബല്‍ പ്രൊമോട്ടര്‍മാര്‍ മുഖേനെ ജൂലൈ 15 നകം ഐ.റ്റി.ഡി.പി. ഓഫീസില്‍ അപേക്ഷിക്കണം. അതത്‌ ആദിവാസി കോളനികളിലായിരിക്കും പരിശീലനങ്ങള്‍ നടക്കുക. അപേക്ഷ ഫോമുകള്‍ നിലമ്പൂര്‍/എടവണ്ണ/പെരിന്തല്‍മണ്ണ ട്രൈബല്‍ എക്‌സ്റ്റന്‍ഷന്‍ ഓഫീസുകളില്‍ ലഭിക്കും.

Share this post: