Exclusive News
ജില്ലയിലെ ബാങ്കുകളില്‍ 27725 കോടിയുടെ നിക്ഷേപം

മലപ്പുറം: ജില്ലയിലെ ബാങ്കുകളില്‍ 27725 കോടി രൂപയുടെ നിക്ഷേപമുള്ളതായി ജില്ലാതല ബാങ്കിങ് അവലോകന യോഗം വ്യക്തമാക്കി.  8010 കോടി രൂപയുടെ എന്‍.ആര്‍.ഐ നിക്ഷേപമുണ്ട്.  2017 സെപ്തംബര്‍ വരെയുള്ള കാലയളവില്‍ 16293 കോടി രൂപ വായ്പയായി വിതരണം ചെയ്തിട്ടുണ്ട്.  വായ്പാ നിക്ഷേപ അനുപാതം 61 ആണ്.  639 ബാങ്ക് ശാഖകളാണ് ജില്ലയിലുള്ളത്.  മൊത്തം വായ്പയുടെ 61 ശതമാനം മുന്‍ഗണനാ മേഖലയിലാണ് വിതരണം ചെയ്തിട്ടുള്ളത്.  ഹോട്ടല്‍ മഹേന്ദ്രപുരിയില്‍ നടന്ന അവലോകന യോഗം ഡെപ്യൂട്ടി കലക്ടര്‍ ജെ.ഒ. അരുണ്‍ ഉദ്ഘാടനം ചെയ്തു.  കനറാ ബാങ്ക് എ.ജി.എം കെ. നാസര്‍ മുഖ്യ പ്രഭാഷണം നടത്തി.  ബാങ്കിങ് അവലോകനം തിരുവനന്തപുരം ആര്‍.ബി.ഐ മാനേജര്‍ ഹാര്‍ളിന്‍ ഫ്രാന്‍സിസ് ചിറമേല്‍ നടത്തി.  ലീഡ് ബാങ്ക് മാനേജര്‍ കുഞ്ഞിരാമന്‍ ടി.പി സ്വാഗത പ്രസംഗം നടത്തി.

Share this post: