പോലീസ് നരനായാട്ടിന്നിരയായവര്‍ക്ക് സര്‍ക്കാര്‍ നഷ്ടപരിഹാരം നല്‍കണം: കെഎംസിസി ബഹ്‌റൈൻ മലപ്പുറം ജില്ലാ കമ്മിറ്റി

Share this post:

Follow by Email
Facebook
Google+
http://malappuramnews.com/%E0%B4%AA%E0%B5%8D%E0%B4%B0%E0%B4%B5%E0%B4%BE%E0%B4%B8%E0%B4%BF/%E0%B4%AA%E0%B5%8B%E0%B4%B2%E0%B5%80%E0%B4%B8%E0%B5%8D-%E0%B4%A8%E0%B4%B0%E0%B4%A8%E0%B4%BE%E0%B4%AF%E0%B4%BE%E0%B4%9F%E0%B5%8D%E0%B4%9F%E0%B4%BF%E0%B4%A8%E0%B5%8D%E0%B4%A8%E0%B4%BF%E0%B4%B0%E0%B4%AF/">
Twitter

പോലീസ് നരനായാട്ടിന്നിരയായവര്‍ക്ക് സര്‍ക്കാര്‍ നഷ്ടപരിഹാരം നല്‍കണം: കെഎംസിസി ബഹ്‌റൈൻ മലപ്പുറം ജില്ലാ കമ്മിറ്റി

19-Mar-2017
മനാമ: താനൂർ തീരദേശ മേഖലയില്‍ പോലീസ് നടത്തിയ നരനായാട്ടിന്നിരയായവര്‍ക്ക് സര്‍ക്കാര്‍ നഷ്ടപരിഹാരം നല്‍കണമെന്നും കുറ്റകാരായ ഉദ്യോഗസ്ഥരെയെല്ലാം നിയമത്തിന്‍റെ മുന്നില്‍ കൊണ്ടു വന്ന് മാതൃകാപരമായ ശിക്ഷനല്‍കണമെന്നും കെഎംസിസി ബഹ്‌റൈൻ മലപ്പുറം ജില്ലാ കമ്മിറ്റി പ്രസ്താവനയില്‍ ആവശ്യപ്പെട്ടു.

ലഭ്യമായ റിപ്പോര്‍ട്ടുകളനുസരിച്ച്താനൂര്‍ പ്രദേശത്തെ മുസ്ലിം ലീഗ് പ്രവര്‍ത്തകരുടെ വീടുകൾക്കും, കുടുംബങ്ങൾക്കുമെതിരെയാണ് പ്രധാനമായും പോലീസ് അക്രമമഴിച്ചുവിട്ടിരിക്കുന്നത്. സ്ഥലത്തെ സിപിഎം പ്രവര്‍ത്തകരുടെ സഹായത്തോടെ നടന്ന ഈ നരനായാട്ടിന് സ്ഥലം MLA വി അബ്ദുറഹിമാന്റെയും സിപിഎം നേതാക്കളുടെയും പങ്ക് ഉണ്ട് എന്നാണ് സംശയിക്കുന്നത്. ഇക്കാര്യം കഴിഞ്ഞ ദിവസത്തെ പിണറായി വിജയത്തിന്‍റെ സന്ദര്‍ശനത്തിലും സ്വീകരണത്തിലും വ്യക്തമാണ്.

സമാധാനത്തോടെ കഴിയുന്ന പ്രദേശ വാസികളെ ഭീതിപ്പെടുത്തി കണ്ണൂര്‍ മോഡല്‍ പാര്‍ട്ടി ഗ്രാമങ്ങള്‍ സൃഷ്ടിച്ചെടുക്കാനുള്ള നീക്കമാണ് താനൂരില്‍ ഇപ്പോള്‍ നടക്കുന്നത്. സര്‍ക്കാരിന് ആത്മാര്‍ത്ഥതയുണ്ടെങ്കില്‍ കേവലം വാചക കസര്‍ത്തുകള്‍ ഒഴിവാക്കി ഇത്തരം പാര്‍ട്ടി ഗുണ്ടകള്‍ക്കെതിരെയും പോലീസിനെതിരെയും നടപടിയെടുക്കുകയാണ് വേണ്ടത്. കുറ്റക്കാരായ പാര്‍ട്ടി പ്രവര്‍ത്തകരെയും പോലീസിനെയും സംരക്ഷിക്കുന്ന പിണറായി സര്‍ക്കാരിനെതിരെ മുഴുവന്‍ ജനാധിപത്യ വിശ്വാസികളും ഒറ്റകെട്ടായി രംഗത്തിറങ്ങണമെന്നും ഭാരവാഹികള്‍ ആവശ്യപ്പെട്ടു.

താനൂരിലെ സംഘർഷ മേഖല സന്ദർശിക്കാനും ആവശ്യമായ സഹായ നടപടികൾ സ്വീകരിക്കാനും ജില്ലാ കമ്മിറ്റിയുടെ വൈസ് പ്രഡിഡണ്ട് കൂടിയായ ഇക്ബാൽ സാഹിബിന്‍റെ നേതൃത്വത്തിലുള്ള പ്രതിനിധി സംഘത്തെ യോഗം ചുമതലപ്പെടുത്തി.
യോഗത്തില്‍ പ്രസിഡണ്ട് സലാം മമ്പാട്ടുമൂല അധ്യക്ഷത വഹിച്ചു. ട്രഷറർ ശംസുദ്ധീൻ വളാഞ്ചേരി, മുഹമ്മദലി വളാഞ്ചേരി, മുസ്തഫ പുറത്തൂർ,ഷാഫി കോട്ടക്കൽ,ഉമ്മർ മലപ്പുറം,മൗസൽ മൂപ്പൻ തിരുർ,ആബിദ് ചെട്ടിപ്പടി എന്നിവർ പങ്കടുത്തു. ജനറൽ സെക്രട്ടറി ഗഫൂർ കാളികാവ് സ്വാഗതവും ഓർഗനൈസിംഗ് സെക്രട്ടറി റിയാസ് വെള്ളച്ചാൽ നന്ദിയും പറഞ്ഞു.

Share this post:

സമസ്ത ബഹ്‌റൈന്‍ ഹിജ്‌റ സന്ദേശം സംഘടിപ്പിച്ചു

പ്രവാസികള്‍ക്ക് പ്രത്യാശ നല്‍കുന്ന വമ്പന്‍ പദ്ധതികളില്‍ കൈകോര്‍ത്ത് ഷാര്‍ജയും കേരളവും

നൗഷാദ് ബാഖവിയുടെ പ്രഭാഷണം ഇന്ന് മനാമ പാക്കിസ്ഥാന്‍ ക്ലബ്ബില്‍ ബഹ്‌റൈനി പണ്ഢിതന്‍ ശൈഖ് മാസിന്‍ ഉദ്ഘാടനം ചെയ്യും

ഖുർആൻ മനുഷ്യർക്ക് മാർഗദർശനം നൽകുന്ന ഗ്രന്ഥം – കെ.കെ.ഐ.സി ഖുർആൻ സെമിനാർ.

മമ്പുറം തങ്ങളുടെ മരിക്കാത്ത സ്മരണകളുമായി കളിയാട്ടമുക്ക് നിവാസികള്‍

വൈകി എത്തുന്ന വികസനം വികസന നിഷേധമാണ് : ഡോ.കെ .ടി.ജലീൽ

മമ്പുറം ആണ്ടുനേര്‍ച്ചക്ക് ഭക്തിനിര്‍ഭരമായ തുടക്കം

ജില്ലയിലെ ബാങ്കുകളില്‍ 27725 കോടിയുടെ നിക്ഷേപം

സൗത്ത് ഏഷ്യന്‍ കമ്മ്യൂണിസ്റ്റ് പാര്‍ടികളുടെ സമ്മേളനം കൊച്ചിയില്‍; സീതാറാം യെച്ചൂരി ഉദ്ഘാടനം ചെയ്യും

ഡോ.ബഹാഉദ്ദീന്‍ നദ്‌വിക്ക് റഷ്യന്‍ ഇസ്്‌ലാമിക് യൂനിവേഴ്‌സിറ്റിയില്‍ സ്വീകരണം