പ്രാദേശിക വാര്‍ത്തകള്‍
തദ്ദേശ  ഉപതെരഞ്ഞടുപ്പുകള്‍ക്കുള്ള വോട്ടര്‍ പട്ടിക നവംബര്‍ എട്ടിന് പ്രസിദ്ധീകരിക്കും

07/10/2017

മലപ്പുറം: തദ്ദേശ സ്വയംഭരണ സ്ഥാപനങ്ങളിലേക്ക് നടക്കാനിരിക്കുന്ന ഉപതെരഞ്ഞെടുപ്പുകള്‍ക്ക് മുന്നോടിയായി വോട്ടര്‍ പട്ടിക പുതുക്കും. പൊന്നാനി നഗരസഭയിലെ അഴീക്കല്‍ , പോത്തുകല്ല് ഗ്രാമപഞ്ചായത്തിലെ ഞെട്ടികുളം , തിരുവാലി ഗ്രാമപഞ്ചായത്തിലെ എ. കെ. ജി നഗര്‍ , എടയൂര്‍ ഗ്രാമപഞ്ചായത്തിലെ തിണ്ടലം എന്നിവിടങ്ങളിലാണ്  ഉപതെരഞ്ഞെടുപ്പ്  നടക്കാനുള്ളത് . 2017 ജനുവരി ഒന്നിനോ അതിനുമുമ്പോ 18 വയസ്സു പൂര്‍ത്തിയായവരെയാണ് വോട്ടര്‍ പട്ടികയില്‍ ഉള്‍പ്പെടുത്തുക. 2015 ലെ പൊതുതെരഞ്ഞെടുപ്പില്‍ ഉപയോഗിച്ച വോട്ടര്‍പട്ടിക അടിസ്ഥാനമാക്കിയാണ് കരട് വോട്ടര്‍ പട്ടിക തയ്യാറാക്കുന്നത്. കരട് വോട്ടര്‍ പട്ടിക നോട്ടീസ് തദ്ദേശഭരണ സ്ഥാപനങ്ങള്‍, വില്ലേജ് ഓഫീസ്, താലൂക്ക് ഓഫീസ് എന്നിവിടങ്ങളില്‍ ഒക്‌ടോബര്‍ ഒമ്പതിന്  പ്രസിദ്ധപ്പെടുത്തും. അവകാശ വാദമോ ആക്ഷേപമോ ഉള്ളവര്‍ ഒക്‌ടോബര്‍ 23നകം അപേക്ഷ സമര്‍പ്പിക്കണം .  നടപടിക്രമങ്ങള്‍ പൂര്‍ത്തിയാക്കി നവംബര്‍ 8 ന് അന്തിമ വോട്ടര്‍ പട്ടിക പ്രസിദ്ധീകരിക്കും . അനര്‍ഹരായ വോട്ടര്‍മാര്‍ പട്ടികയില്‍ ഉള്‍പ്പെട്ടിട്ടില്ലെന്ന് ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍ ഉറപ്പുവരുത്തണമെന്ന് കമ്മീഷന്‍ നിര്‍ദ്ദേശം നല്‍കി

Share this post: