education
ദാറുല്‍ഹുദാ ഇസ്ലാമിക് യുണിവേഴ്‌സിറ്റി ആസാം കാമ്പസ് സെക്കണ്ടറി കെട്ടിടോദ്ഘാടനം നവംബര്‍ 2 ന്

27/10/2017

തിരൂരങ്ങാടി: ദാറുല്‍ഹുദാ ഇസ്‌ലാമിക് സര്‍വകലാശാലയുടെ ആസാം കാമ്പസില്‍ പുതുതായി നിര്‍മിച്ച സെക്കണ്ടറി കെട്ടിടത്തിന്റെ ഉദ്ഘാടനം നവംബര്‍ 2 ന് വ്യാഴാഴ്ച നടക്കും.
ആസാമിലെ ബാര്‍പ്പേട്ട ജില്ലയിലെ ബൈശയിലുള്ള ദാറുല്‍ഹുദായുടെ ഓഫ് കാമ്പസില്‍ മര്‍ഹൂം പാണക്കാട് സയ്യിദ് മുഹമ്മദലി ശിഹാബ് തങ്ങളുടെ നാമധേയത്തില്‍ നിര്‍മിച്ച കെട്ടിടത്തിന്റെ ഉദ്ഘാടനം ചാന്‍സലര്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിക്കും. ദാറുല്‍ഹുദാ വി.സി ഡോ. ബഹാഉദ്ദീന്‍ മുഹമ്മദ് നദ് വി അധ്യക്ഷത വഹിക്കും.
സയ്യിദ് മുഹമ്മദ് കോയ തങ്ങള്‍ ജമലുല്ലൈലി, ഇ.ടി മുഹമ്മദ് ബശീര്‍ എം.പി, പി.വി അബ്ദുല്‍ വഹാബ് എം.പി, സിറാജുദ്ദീന്‍ അജ്മല്‍ എം.പി, ആസാം എം.എല്‍.എമാരായ ഷര്‍മാന്‍ അലി, അബ്ദുല്‍മാലിക് തുടങ്ങിയവര്‍ സംബന്ധിക്കും.
2013 ല്‍ ദാറുല്‍ഹുദാ നാഷണല്‍ പ്രൊജക്ട് ചെയര്‍മാന്‍ സയ്യിദ് മുനവ്വറലി ശിഹാബ് തങ്ങളാണ് കാമ്പസിന് തറക്കല്ലിട്ടത്. 2014 ല്‍ ക്ലാസ് ആരംഭിച്ച കാമ്പസില്‍ ഇന്ന് നാലു ബാച്ചുകളിലായി 200 ലധികം വിദ്യാര്‍ത്ഥികളാണ് പഠനം നടത്തുന്നത്.
ആസാം കാമ്പസിനു പുറമെ വെസ്റ്റ് ബംഗാളിലും സീമാന്ധ്രയിലും കര്‍ണാടകയിലും വാഴ്‌സിറ്റിയുടെ ഓഫ് കാമ്പസുകള്‍ പ്രവര്‍ത്തിക്കുന്നുണ്ട്.

 

Share this post: