പ്രാദേശിക വാര്‍ത്തകള്‍
17കാരിയായ ബംഗാളി നവവധു മരിച്ച നിലയില്‍

08-Aug-2017
മഞ്ചേരി: ബംഗാള്‍ സ്വദേശിനിയായ നവവധുവിനെ വാടക ക്വാര്‍ട്ടേഴ്‌സിനകത്ത് മരിച്ച നിലയില്‍ കണ്ടെത്തി. വെസ്റ്റ് ബംഗാള്‍ 24 ഫര്‍ഗാന ജില്ലയില്‍ നിശ്ചന്തപൂര്‍ ലക്ഷ്മിപാശ അനുരാഗ് സാഹയുടെ ഭാര്യ ഋതുഘോഷ് (17) ആണ് മരിച്ചത്. ഭര്‍ത്താവിനൊപ്പം പെരിന്തല്‍മണ്ണ താഴെക്കോട് വാടക ക്വാര്‍ട്ടേഴ്‌സില്‍ താമസിച്ചു വരികയായിരുന്നു. പനിയെ തുടര്‍ന്ന് മഞ്ചേരി, കോഴിക്കോട് മെഡിക്കല്‍ കോളേജ് ആശുപത്രികളില്‍ ചികിത്സയിലായിരുന്ന പെണ്‍കുട്ടി ഡിസ്ചാര്‍ജ്ജ് ചെയ്ത് വീട്ടിലെത്തിയ ദിവസമാണ് മരണം. ഭര്‍ത്താവും സുഹൃത്തുക്കളും ഉടന്‍ ഇവരെ പെരിന്തല്‍മണ്ണ എം ഇ എസ് മെഡിക്കല്‍ കോളേജില്‍ എത്തിച്ചാണ് മരണം സ്ഥിരീകരിച്ചത്. മൃതദേഹം മഞ്ചേരി മെഡിക്കല്‍ കോളേജില്‍ പോസ്റ്റ്‌മോര്‍ട്ടം നടത്തി ബന്ധുക്കള്‍ക്ക് വിട്ടു നല്‍കി.

Share this post: