education
മലയാളം സര്‍വകലാശാല മാഗസിന് മലയാള മനോരമ ചീഫ് എഡിറ്റേഴ്‌സ് പുരസ്‌കാരം

09/11/2017
തിരൂര്‍: മലയാള മനോരമ കേരളത്തിലെ മികച്ച കോളേജ് മാഗസിനുകള്‍ക്ക് നല്‍കുന്ന ചീഫ് എഡിറ്റേഴ്‌സ് പുരസ്‌കാരത്തിന്റെ ഒന്നാം സമ്മാനം മലയാളം സര്‍വകലാശാലയിലെ ചീങ്കണ്ണികളെ പിടിക്കാന്‍ എന്നുപറഞ്ഞാണ് അവര്‍ തടാകത്തിലെ വെള്ളം വറ്റിക്കാന്‍ തുടങ്ങിയത് എന്ന മാഗസിന് ലഭിച്ചു. 20001 രൂപയും പ്രശസ്തി പത്രവും ശില്‍പവുമടങ്ങുന്നതാണ് പുരസ്‌കാരം. എം എം സഞ്ജൂബ് സ്റ്റുഡന്റ് എഡിറ്ററും ഡോ. റോഷ്‌നി സ്വപ്‌ന സ്റ്റാഫ് എഡിറ്ററുമായിരുന്ന മാഗസിന്‍ ചെറുജീവിതങ്ങളുടെ വലിയ പ്രതിരോധം എന്ന ആശയത്തെ മുന്‍ നിര്‍ത്തിയാണ് പുറത്തിറക്കിയത്. തലക്കെട്ട് പോലും ചട്ടക്കുള്ളില്‍ ഒളിപ്പിച്ച് പതിവു രീതികളെ പൊളിച്ചെഴുതുകയാണ് ഈ മാഗസിനിലൂടെ ചെയ്തതെന്ന് ജൂറി അംഗമായ ബി ഉണ്ണിക്കൃഷ്ണന്‍ അഭിപ്രായപ്പെട്ടു. ഉള്ളടക്കത്തിലും രൂപകല്‍പനയിലും മികച്ച നിലവാരം പുലര്‍ത്തിയ മാഗസിന്‍ എറണാകുളം ആസ്ഥാനമായി പ്രവര്‍ത്തിക്കുന്ന ജിലേബീ മീഡിയയാണ് രൂപകല്‍പന ചെയ്തത്.

ജിലേബി മീഡിയ തന്നെ ലേ ഔട്ട് ചെയ്ത കോട്ടയം ആര്‍ ഐ ടി എഞ്ചിനീയറിംഗ് കോളേജിലെ അവസാനിക്കുന്നതിന് തെട്ട് മുമ്പ് എന്ന മാഗസിനിനാണ് ഇതേ മത്സരത്തിലെ മൂന്നാം സ്ഥാനവും. രണ്ടം സമ്മാനം കോഴിക്കോട് മെഡിക്കല്‍ കോളെജിലെ തുടല്‍ എന്ന മാഗസിന് രണ്ടാം സമ്മാനം ലഭിച്ചു.

Share this post: