Flash news
ജില്ലയിൽ വീണ്ടും ഡിഫ്തീരിയ

11/02/2019

മലപ്പുറം:ജില്ലയില്‍ വീണ്ടും ഡിഫ്തീരിയ സ്ഥിരീകരിച്ചു. മഞ്ചേരി, കുഴിമണ്ണ എന്നിവിടങ്ങളിലെ പതിനാലും പതിമൂന്നും വയസുള്ള രണ്ട് കുട്ടികള്‍ക്കാണ് രോഗം സ്ഥിരീകരിച്ചിരിക്കുന്നത്. ഇവർ പ്രതിരോധ കുത്തിവെപ്പെടുത്തിരുന്നില്ല. കടുത്ത പനിയും ജലദോഷവും കാരണം കോഴിക്കോട് മെഡിക്കല്‍ കോളേജ് ആശുപത്രിയിലെത്തി ചികിത്സ തേടിയിരുന്നു. ഇവിടെ നടത്തിയ പരിശോധനയിലാണ് ഡിഫ്തീരിയ സ്ഥിരീകരിച്ചത്.

തുടര്‍ന്ന് ജില്ലയിലെ ആരോഗ്യവകുപ്പ് ഉദ്യോഗസ്ഥര്‍ അടക്കമുള്ളവര്‍ ഇവരുടെ ബന്ധുക്കളെ സമീപിച്ചപ്പോഴാണ് കുട്ടികള്‍ക്ക് പ്രതിരോധ കുത്തിവെപ്പ് എടുത്തിട്ടില്ലെന്ന് വ്യക്തമായത്. പ്രതിരോധ കുത്തിവെപ്പിനെതിരായ കുപ്രചരണങ്ങള്‍ വിശ്വസിച്ച് സംസ്ഥാനത്തുടനീളം നിരവധി പേരാണ് കുത്തിവെപ്പെടുക്കാന്‍ തയ്യാറാകാതെയുള്ളത്. കഴിഞ്ഞ വര്‍ഷം ജില്ലയില്‍ ആറ് പേര്‍ക്ക് ഡിഫ്തീരിയ സ്ഥിരീകരിച്ചിരുന്നു.

Share this post: