Flash news
ഷെഫീഖ് അല്‍ ഖാസിമി പിടിയിൽ

07/03/2019

തിരുവനന്തപുരം:തെളിക്കോട് പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ മുന്‍ ഇമാം ഷെഫീഖ് അല്‍ ഖാസിമി പിടിയിലായി. മധുരയില്‍ നിന്നാണ് നെടുമങ്ങാട് ഡിവൈഎസ്പിയുടെ നേതൃത്വത്തിലുള്ള അന്വേഷണ സംഘമാണ് പിടികൂടിയത്. ഒരു മാസത്തിലേറെയായി പ്രതി ഒളിവിലായിരുന്നു.

കഴിഞ്ഞ ദിവസം ഷെഫീഖ് അല്‍ ഖാസിമിക്കൊപ്പം ഒളിവില്‍ പോയിരുന്ന സഹോദരന്‍ അറസ്റ്റിലായതോടെയാണ് ഇയാളെ കുറിച്ചുള്ള നിർണായക വിവരങ്ങൾ ലഭിച്ചതെന്നാണ് വിവരം. കോയമ്പത്തൂരിലും പൊള്ളാച്ചിയിലുമായാണ് ഒളിവില്‍ കഴിഞ്ഞതെന്ന് അറസ്റ്റിലായ നൗഷാദ് മൊഴി നല്‍കിയിരുന്നു.

മധുരയില്‍ ലോഡ്ജിലടക്കം വിവിധ സ്ഥലങ്ങളില്‍ ഇയാള്‍ ഒളിവിലായിരുന്നു. പ്രതിയെ കസ്റ്റഡിയിലെടുത്ത അന്വേഷണ സംഘം തിരുവനന്തപുരത്തേക്ക് തിരിച്ചു. പ്രായപൂര്‍ത്തിയാകാത്ത പെണ്‍കുട്ടിയെ വാഹനത്തില്‍ കയറ്റി ആളൊഴിഞ്ഞ സ്ഥലത്ത് എത്തിച്ച് പീഡിപ്പിച്ചു എന്നതാണ് കേസ്. മലപ്പുറം ജില്ലയുടെ വിവിധ പ്രദേശങ്ങളിൽ ഇയാൾ മതപ്രഭാഷണ പരമ്പരകൾ നടത്തിയിട്ടുണ്ട്.

Share this post: