Top Stories
ഹാദിയ റമദാന്‍ പ്രഭാഷണ പരമ്പര മെയ് 30 മുതല്‍
May 26, 2017

26-May-2017

മലപ്പുറം : ഹിദായ നഗര്‍ (തിരൂരങ്ങാടി): വിശുദ്ധ റമദാന്‍ വിശ്വാസിയുടെ ആത്മഹര്‍ഷം എന്ന പ്രമേയത്തില്‍ ദാറുല്‍ഹുദാ ഇസ്‌ലാമിക് സര്‍വകലശാലാ പൂര്‍വ വിദ്യാര്‍ത്ഥി സംഘടന ഹാദിയ സംഘടിപ്പിക്കുന്ന നാലാമത് റമദാന്‍ പ്രഭാഷണത്തിന് മെയ് 30 ന് ചൊവ്വാഴ്ച തുടക്കമാവും.വാഴ്സിറ്റി ക്യാമ്പസിൽ ഡോ.യു. ബാപ്പുട്ടി ഹാജി നഗറില്‍ രാവിലെ ഒമ്പത് മുതല്‍ നടക്കുന്ന പ്രഭാഷണ പരമ്പരയുടെ ഉദ്ഘാടനം എസ്.കെ.എസ്.എസ്.എഫ് സംസ്ഥാന പ്രസിഡന്റ് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. മെയ് 30,31, ജൂണ്‍ 1, 4 തിയ്യതികളില്‍ മുസ്ഥഫ ഹുദവി ആക്കോട് പ്രഭാഷണം നടത്തും. സയ്യിദ് അബ്ബാസലി ശിഹാബ് തങ്ങള്‍, സയ്യിദ് റശീദലി ശിഹാബ് തങ്ങള്‍, സയ്യിദ് സ്വാദിഖലി ശിഹാബ് തങ്ങള്‍ വിവിധ ദിനങ്ങളിൽ ഉദ്ഘാടനം നിർവഹിക്കും.ജൂണ്‍ 3 ന് ശനിയാഴ്ച സിംസാറുല്‍ ഹഖ് ഹുദവി പ്രഭാഷണം നടത്തും.സയ്യിദ് ഹൈദർ അലി ശിഹാബ് തങ്ങൾ ഉദ്ഘാടനം ചെയ്യും. 4 ന് ഞായറാഴ്ച സമാപന സമ്മേളനവും പ്രാർഥനയും നടക്കും

Share this post: