Main News
ഇസ്ലാമിക് സ്റ്റേറ്റ് റിക്രൂട്ട്‌മെന്റ്; വണ്ടൂരില്‍ എട്ട് കേസുകള്‍ രജിസ്റ്റര്‍ ചെയ്തു

11/11/2017
മലപ്പുറം: ഐഎസിലേക്ക് കേരളത്തില്‍ നിന്നും റിക്രൂട്ട്‌മെന്റ് നടക്കുന്നു എന്ന വിവരത്തിന്റെ അടസ്ഥാനത്തില്‍ മലപ്പുറം ജില്ലയിലെ വണ്ടൂര്‍ പോലീസ് എട്ട് കേസുകള്‍ രജിസ്റ്റര്‍ ചെയ്തു. ഇസ്ലാമിക് സേറ്റേറ്റിലേക്ക് സംസ്ഥാനത്ത് നിന്ന് റിക്രൂട്ട്‌മെന്റ് തുടരുന്നുവെന്ന കൃത്യമായ സൂചനകളാണ് ലഭിക്കുന്നത്. സംസ്ഥാനത്തിന്റെ വിവിധ ഭാഗങ്ങളില്‍ നിന്നുള്ള എട്ട് പേര്‍ക്കെതിരെയാണ് വണ്ടൂരില്‍ കേസ് രജിസ്റ്റര്‍ ചെയ്തത്. മലപ്പുറം, കോഴിക്കോട്, കണ്ണൂര്‍, എറണാകുളം ജില്ലകളില്‍ നിന്നുള്ളവര്‍ക്കെതിരെയാണ് വണ്ടൂര്‍ പൊലീസ് കേസ് രജിസ്റ്റര്‍ ചെയ്തിട്ടുള്ളത്. കേസില്‍ സംസ്ഥാനത്തിന്റെ വിവിധ ഭാഗങ്ങളില്‍ ഐഎസ് നിര്‍ണ്ണായക സ്വാധീനം ചെലുത്തുന്നതിന്റെ സൂചനകളാണ് നല്‍കുന്നത്. കഴിഞ്ഞ ദിവസം അഞ്ചു പേരെ ഐഎസ് ബന്ധത്തിന്റെ പേരില്‍ പൊലീസ് അറസ്റ്റ് ചെയ്തിരുന്നു. എട്ട് പേര്‍ ഐഎസില്‍ ചേക്കേറി എന്നാണ് പൊലീസിന് ലഭിച്ച വിവരം. ഇതില്‍ നാല് പേര്‍ മരിച്ചതായും സംശയിക്കുന്നു. കോഴിക്കോട് ജില്ലയില്‍ നിന്നും താമരശേരി സ്വദേശി ഷൈബു നിഹാര്‍, വടകര സ്വദേശി മന്‍സൂര്‍, കൊയിലാണ്ടി സ്വദേശി ഫാജിത് എന്നിവരും, കണ്ണൂര്‍ ജില്ലയില്‍ നിന്ന് ഷഹ്നാദ്, മലപ്പുറം കൊണ്ടോട്ടി സ്വദേശി മന്‍സൂര്‍, വാണിയമ്പലം സ്വദേശി മുഹദ്ദീസ്, അഷ്‌റഫ് മൗലവി, തുടങ്ങിയവരും എറണാകുളം ജില്ലയില്‍ നിന്ന് പെരുമ്പാവൂര്‍ സ്വദേശി സഫീര്‍ എന്നിവരുമാണ് ഭീകരസംഘടനയില്‍ ചേര്‍ന്നതെന്നാണ് സംശയിക്കുന്നത്.

Share this post: