Main News
ഈ സാമ്പത്തികവര്‍ഷത്തിലെ  93% പദ്ധതികള്‍ക്കും ഭരണാനുമതി

12/10/2017
തിരുവനന്തപുരം: ഈ സാമ്പത്തികവര്‍ഷത്തിലെ 93% പദ്ധതികള്‍ക്കും ഭരണാനുമതി നല്‍കിയതായി മുഖ്യമന്ത്രി അറിയിച്ചു. ബാക്കിയുള്ള പദ്ധതികള്‍ക്ക് ഒക്‌റ്റോബര്‍ മാസത്തില്‍ തന്നെ ഭരണാനുമതി നല്‍കാനാകും. സെപ്റ്റംബര്‍ മാസത്തോടെ ഭരണാനുമതി നല്‍കിയതുകൊണ്ട് തികഞ്ഞ ആസൂത്രണത്തോടെയും സമയബന്ധിതമായും പദ്ധതികള്‍ നടപ്പാക്കുവാന്‍ കഴിയും. സംസ്ഥാനപദ്ധതികളിലും കേന്ദ്രാവിഷ്‌കൃതപദ്ധതികളിലും ഒരു പോലെ ഈ മാറ്റം പ്രകടമാവും. 2017-18 വര്‍ഷത്തേക്ക് 34,538 കോടിയുടെതാണ് കേരളത്തിന്റെ വാര്‍ഷിക പദ്ധതി. ഇതിന്റെ 34% തുകയും ചെലവഴിക്കുവാന്‍ സര്‍ക്കാരിന് സാധിച്ചു. മുന്‍വര്‍ഷം ഇത് വെറും 16% ആയിരുന്നു. സംസ്ഥാനവിഹിതമായ 20,272 കോടി രൂപയുടെ 40.37% ഇതുവരെ ചെലവഴിച്ചു. കഴിഞ്ഞ വര്‍ഷം ഈ സമയത്ത് ഇത് 21% ആയിരുന്നു. കേന്ദ്രാവിഷ്‌കൃത പദ്ധതികളുടെ വിഹിതമായ 8,039 കോടി രൂപയുടെ 29% ചെലവഴിക്കാന്‍ സാധിച്ചു. മുന്‍വര്‍ഷം ഇത് 17% ആയിരുന്നു. തദ്ദേശസ്വയംഭരണ സ്ഥാപനങ്ങളുടെ വിഹിതമായ 6,227 കോടി രൂപയുടെ 21% ചെലവഴിച്ചു കഴിഞ്ഞു. കഴിഞ്ഞവര്‍ഷം ഈ കാലയളവില്‍ ഇത് വെറും 1% മാത്രമായിരുന്നു.

Share this post: