Main News
എട്ടിന്റെ പണിതന്ന നോട്ട് നിരോധനത്തിന് ഇന്നേക്ക് ഒരാണ്ട്. മലപ്പുറത്തിനുമുണ്ട് കള്ളപ്പണമില്ലാഞ്ഞിട്ടും പൂട്ടിപ്പോയ സ്ഥാപനങ്ങള്‍

08/11/2017

മലപ്പുറം: അര്‍ദ്ധ രാത്രിയില്‍ എട്ടിന്റെ പണിതന്ന ആ പ്രസംഗം നടന്നിട്ട് ഇന്നേക്ക് ഒരാണ്ട് തികയുമ്പോള്‍ മലപ്പുറവും ആ ദുരന്തത്തിന്റെ അനുഭവങ്ങളറിഞ്ഞിട്ടുണ്ട്. ജ്വല്ലറി മുതല്‍ ചായക്കട വരെ പൂട്ടി വീട്ടിലിരിക്കേണ്ടി വന്നവര്‍ നിരവധിയാണ്. അവരാരും പക്ഷെ കള്ളപ്പണവും കള്ളനോട്ടും വീട്ടില്‍ സൂക്ഷിച്ചവരായിരുന്നില്ല എന്നതാണ് വസ്തുത. ലോകത്താകെ ബ്രാഞ്ചുകളുള്ള പ്രമുഖ ജ്വല്ലറി ഗ്രൂപ്പിന്റെ കൊണ്ടോട്ടിയിലെ ഷോറൂം മുതല്‍ നിതാഖാത്ത് കാരണം ജോലി നഷ്ടപ്പെട്ട പ്രവാസിയുടെ തട്ട്കട വരെ ഈ സമയത്ത് മലപ്പുറത്ത് പൂട്ടിപ്പോയവയില്‍പെടുന്നു. തിരിച്ചെത്തിയ നോട്ടുകള്‍ ഇത് വരെ എണ്ണിത്തീര്‍ക്കാത്ത റിസര്‍വ് ബാങ്കും കേന്ദ്ര സര്‍ക്കാറും ഉരുണ്ട് കളിക്കുമ്പോള്‍ മലപ്പുറത്തിപ്പോഴും ഒരു വശത്ത് നിരോധിത നോട്ടുകളും, ഹവാല പണവും മുതല്‍ വിദേശ കറന്‍സികള്‍ വരെ പിടികൂടുന്നത് തുടരുന്നുണ്ട്. കഴിഞ്ഞ ദിവസം പപെരിന്തല്‍മണ്ണയില്‍ പിടികൂടിയത് ഒന്നരക്കോടിയിലധികം രൂപയാണ്. കുഴല്‍ പണം പിടികൂടുന്നതിനായി മലപ്പുറത്ത് പ്രത്യേക സക്വാഡിനെ തന്നെ ജില്ലാപോലീസ് മേധാവിയുടെ നേതൃത്വത്തില്‍ രൂപീകരിച്ചത് കാര്യക്ഷമമായി പ്രവര്‍ത്തികുന്നത് കൊണ്ടും ഒറ്റുകാരുടെ സഹായത്താലും മലപ്പുറത്ത് ഇതുവരെ പിടികൂടിയത് 13,69.34,000 രൂപയാണ്. ഇതില്‍ 5.47,38.500 രൂപയും പിടികൂടിയത് പെരിന്തല്‍മണ്ണയില്‍ വെച്ചാണ്. ഇന്നും ഇക്കളികളെല്ലാം തുടരുന്നുമുണ്ട്. പിന്നെ ആളെ പിടിക്കാനാണ് ഈ അപരാധം രാജ്യത്തിന്റെ പ്രധാനമന്ത്രി നാടിനോട് ചെയ്തത് എന്ന് ഇതുവരെ മനസ്സിലായിട്ടില്ല. ഒരു കള്ളപ്പണക്കാരനും പണിനിര്‍ത്തുകയോ പട്ടിണിയിലാവുകയോ ചെയ്തിട്ടില്ലെന്ന് മാത്രമല്ല നിരവധി സാധാരണക്കാരായ ജനങ്ങളാണ് ബുദ്ധിമുട്ടിലായത്. അതില്‍ ക്യൂനിന്ന് മരിച്ച നൂറിലധികം രക്തസാക്ഷികളും ഉള്‍പ്പെടും.

Share this post: