Main News
കഴിയുന്ന രീതിയിലെല്ലാം ഉമ്മന്‍ ചാണ്ടിയും സംഘവും തട്ടിപ്പ് നടത്താന്‍ സഹായിച്ചെന്ന് റിപ്പോര്‍ട്ടില്‍

09/11/2017
തിരുവനന്തപുരം: മുന്‍മുഖ്യമന്ത്രി ഉമ്മന്‍ ചാണ്ടിയും അദ്ദേഹത്തിന്റെ ഓഫീസും സ്റ്റ്‌റാഫിലുള്‍പ്പെട്ടവരും തങ്ങളാലാവുന്ന രീതിയില്‍ ടീം സോളാര്‍ കമ്പനിയെ തട്ടിപ്പ് നടത്താന്‍ സഹയിച്ചതായി ജസ്റ്റിസ് ശിവരാജന്റെ റിപ്പോര്‍ട്ടില്‍. റിപ്പോര്‍ട്ട് മുഖ്യമന്ത്രി ഇന്ന് നിയമസഭക്ക് മുന്നില്‍ വെച്ചു. റിപ്പോര്‍ട്ടില്‍ അനുബന്ധമായി ചേര്‍ത്ത സരിതയുടെ കത്തില്‍ ഉമ്മന്‍ചാണ്ടിയടക്കമുള്ളവര്‍ സരിതയെ ക്ലിഫ് ഹൗസില്‍ വെച്ച് വരെ ശാരീരികമായി ഉപയോഗപ്പെടുത്തിയെന്ന് കത്തില്‍ പറയുന്നു. ഉമ്മന്‍ ചാണ്ടി, പി സി വിഷ്ണുനാഥ്, ജോസ് കെ മാണി, മോന്‍സ് ജോസഫ്, എ പി അനില്‍കുമാര്‍, ബെന്നി ബെഹനാന്‍, തമ്പാനൂര്‍ രവി തുടങ്ങിയ യു ഡി എഫ് നേതാക്കള്‍ക്കെതിരെ ശക്തമായ ആരോപണങ്ങളാണ് റിപ്പോര്‍ട്ടിലുള്ളത്. സരിതയുമായി ഉമ്മന്‍ ചാണ്ടിയുടെ ഓഫീസില്‍ നിന്ന് ബന്ധപ്പെട്ടിരുന്നു. ആര്യാടന്‍ മുഹമ്മദിനോട് എല്ലാ സരിതക്ക് എല്ലാ സഹായങ്ങളും ചെയ്തുകൊടുക്കാന്‍ ഉമ്മന്‍ ചാണ്ടി ഫോണ്‍ ചെയ്തു പറഞ്ഞു. തുടങ്ങി ഗുരുതര ആരോപണങ്ങളാണ് റിപ്പോര്‍ട്ടിലുള്ളത്‌

Share this post: