Top Stories
കാണാതായി 40 ദിവസം;; വീടിനടുത്ത് കൊല്ലപ്പെട്ട നിലയിൽ കണ്ടെത്തിയ ഞെട്ടലിൽ നാട്ടുകാർ
April 21, 2021

21/O4/2021
വളാഞ്ചേരി:40ദിവസം മുമ്പ്​ കാണാതായ സുബീറ ഫർഹത്തിന്​ വേണ്ടി പൊലീസും വീട്ടുകാരും നാട്ടുകാരും അന്വേഷണം നടത്തവെ വീടിനടുത്ത്​ തന്നെ കൊല്ലപ്പെട്ട നിലയിൽ കണ്ടെത്തിയത്​ നടുക്കമായി. വെട്ടിച്ചിറയിലെ ഡെൻറല്‍ ക്ലിനിക്കിൽ സഹായിയായി ജോലി ചെയ്തിരുന്ന സുബീറ ഫർഹത്തിനെ മാർച്ച് 10നാണ്​ കാണാതായത്. രാവിലെ ഒമ്പതിന്​ പതിവുപോലെ വീട്ടിൽനിന്ന് ജോലി സ്ഥലത്തേക്ക് പോയതായിരുന്നു.

അര കിലോമീറ്ററോളം നടന്നുവേണം വട്ടപ്പാറക്കും കഞ്ഞിപ്പുരക്കും ഇടയിലുള്ള ബസ് സ്​റ്റോപ്പിലെത്താൻ. 150 മീറ്ററോളം വഴിയരികിൽ വീടുകളൊന്നുമില്ല. വിജനമായ ഈ പാതക്ക് ശേഷം ഇവർ പോവുന്ന റോഡിന് സമീപത്തെ വീട്ടിലെ സി.സി.ടി.വിയിൽ കാണാതായ ദിവസം യുവതി പോവുന്ന ദൃശ്യം പതിഞ്ഞിരുന്നില്ല. ജോലി സ്ഥലത്ത് എത്തിയില്ലെന്നും ഫോണിൽ ലഭ്യമല്ലെന്നും ക്ലിനിക്കിലെ ഡോക്ടർ വിളിച്ചു പറഞ്ഞതോടെയാണ് വീട്ടുകാർ അന്വേഷണം ആരംഭിച്ചത്. ഫോണിൽ വിളിച്ചെങ്കിലും കിട്ടിയില്ല. പിന്നീട് സ്വിച്ച് ഓഫായി.

വളാഞ്ചേരി പൊലീസ് അന്വേഷണം നടത്തുകയും പരിസരങ്ങളിലെ സി.സി.ടി.വി ദൃശ്യങ്ങൾ പരിശോധിക്കുകയും സുബീറയുടെ ഫോൺ വിശദാംശങ്ങൾ ശേഖരിച്ച്​ പരിശോധിക്കുകയും ചെയ്​തെങ്കിലും സംശയകരമായി ഒന്നും കണ്ടെത്തിയില്ല. ദുരൂഹത നീക്കണമെന്നാവശ്യപ്പെട്ട് നാട്ടുകാരുടെ നേതൃത്വത്തിൽ ആക്​ഷൻ കമ്മിറ്റി രൂപവത്​കരിച്ചിരുന്നു.

തിരൂർ ഡിവൈ.എസ്.പി കെ.എ. സുരേഷ് ബാബുവി​െൻറ നേതൃത്വത്തിൽ പ്രത്യേക സംഘമാണ്​ കേസ് അന്വേഷിക്കുന്നത്. മൃതദേഹം കണ്ടെടുത്ത വാർത്ത പുറത്തുവന്നതിനെ തുടർന്ന്​ ജില്ല പൊ ലീസ് മേധാവി സുജിത്ത്​ ദാസ്​, തിരൂർ ഡിവൈ.എസ്.പി കെ.എ. സുരേഷ് ബാബു, വളാഞ്ചേരി എസ്.എച്ച്.ഒ പി.എം. ഷമീർ എന്നിവരുടെ നേതൃത്വത്തിൽ വൻ പൊലീസ് സംഘം സ്ഥലത്തെത്തിയിരുന്നു

Share this post: