Main News
ചെന്നിത്തലയുടെ പടയൊരുക്കം ഇന്ന് ജില്ലയില്‍ പ്രവേശിക്കും അനില്‍കുമാറിനെ വേദിയിലിരുത്തിതന്നെ പ്രതിരോധിക്കും

10/11/2017
മലപ്പുറം; പ്രതിപക്ഷ നേതാവ് രമേശ് ചെന്നിത്തല നയിക്കുന്ന പടയൊരുക്കം യാത്ര ഇന്ന് മലപ്പുറം ജില്ലയില്‍ പ്രവേശിക്കും. ഇന്ന് മുതല്‍ 13 വരെയാണ് ജില്ലയിലെ പര്യടനം. സോളാര്‍ അഴിമതിക്കേസ് സംബന്ധിച്ച റിപ്പോര്‍ട് പുറത്ത് വന്ന സാഹചര്യത്തില്‍ അതിനെ പ്രതിരോധിക്കലാകും ജാഥയിലെ പ്രധാന വിഷയം. ജില്ലയിലെ മുതിര്‍ന്ന കോണ്‍ഗ്രസ് നേതാക്കളായ എ പി അനില്‍കുമാര്‍, ആര്യാടന്‍ മുഹമ്മദ് തുടങ്ങിയവര്‍ക്കെതിരെയും ഗുരുതര ആരോപണങ്ങളുയര്‍ന്ന സാഹചര്യത്തില്‍ അവരെ മാറ്റിനിര്‍ത്തുമെന്ന വാര്‍ത്തകള്‍ അടിസ്ഥാന രഹിതമാണെന്ന് ജില്ലാ കോണ്‍ഗ്രസ് നേതൃത്വം അറിയിച്ചു. അവരെ വേദിയിലിരുത്തി തന്നെ പ്രതിരോധം തീര്‍ക്കും. ഇന്ന് വൈകിട്ട് 3 മണിക്ക് ജില്ലാ അതിര്‍ത്ഥിയായ ഐക്കരപ്പടിയില്‍ ജാഥക്ക് സ്വീകരണം നല്‍കും. ശേഷം 3.30ന് കൊണ്ടോട്ടി, 4.30ന് വള്ളിക്കുന്ന് മഢലത്തിലെ പടിക്കല്‍, 5.30 വേങ്ങര മണ്ഡലത്തിലെ കൊളപ്പുറം എന്നിവിടങ്ങളിലെ പര്യടനത്തിന് ശേഷം 6.30 പരപ്പനങ്ങാടിയില്‍ സമീപിക്കും.

Share this post: