Top Stories
ജില്ലയില്‍ 6,21,116 പേര്‍ കോവിഡ് പ്രതിരോധ വാക്സിന്‍ സ്വീകരിച്ചു
May 12, 2021

മലപ്പുറം ജില്ലയില്‍ ഇതുവരെ 6,21,116 പേര്‍ കോവിഡ് പ്രതിരോധ വാക്സിന്‍ സ്വീകരിച്ചതെന്ന് ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. 5,03,109 പേര്‍ക്ക് ഒന്നാം ഡോസ് വാക്സിനും 1,18,007 പേര്‍ക്ക് രണ്ടാം ഡോസുമാണ് നല്‍കിയത്. സര്‍ക്കാര്‍ നിശ്ചയിച്ച മുന്‍ഗണനാ ക്രമത്തിലാണ് വാക്സിന്‍ വിതരണം വിവിധ കേന്ദ്രങ്ങളില്‍ പുരോഗമിക്കുന്നത്.

38,769 ആരോഗ്യ പ്രവര്‍ത്തകര്‍ക്ക് വാക്‌സിന്റെ ഒന്നാം ഡോസും 27,471 പേര്‍ക്ക് രണ്ടാം ഡോസും നല്‍കി. കോവിഡ് മുന്നണി പോരാളികളില്‍ 15,732 പേര്‍ക്ക് ഒന്നാം ഡോസും 16,097 പേര്‍ക്ക് രണ്ടാം ഡോസും ലഭ്യമാക്കി. പോളിംഗ് ഉദ്യോഗസ്ഥരില്‍ 33,545 പേര്‍ക്ക് ഒന്നാം ഡോസും 12,684 പേര്‍ക്ക് രണ്ടാം ഡോസും ലഭ്യമാക്കി. 45 വയസിനു മുകളില്‍ പ്രായമുള്ള 4,15063 പേര്‍ ആദ്യഘട്ട വാക്സിനും 61,755 പേര്‍ രണ്ടാം ഘട്ട വാക്സിനുമാണ് സ്വീകരിച്ചിരിക്കുന്നത്.

Share this post: