Main News
തെരഞ്ഞെടുപ്പ് വിജ്ഞാപനം നാളെ പത്രിക സമര്‍പ്പിക്കാനുള്ള അവസാന തിയ്യതി 22

14/09/2017

വേങ്ങര: വേങ്ങര ഉപതെരഞ്ഞെടുപ്പിന്റെ ഭാഗമായുള്ള തെരഞ്ഞെടുപ്പ് വിജ്ഞാപനം നാളെ പുറപ്പെടുവിക്കും. രാവിലെ 11ന് റിട്ടേണിങ് ഓഫീസറാണ് വിജ്ഞാപനം പുറപ്പെടുവിക്കുക. ഇതിന്റെ ഭാഗമായി കലക്‌ട്രേറ്റ്, റിട്ടേണിങ് ഓഫീസറുടെ കാര്യാലയം, അസിസ്റ്റന്റ് റിട്ടേണിങ് ഓഫീസറുടെ കാര്യാലയമായ വേങ്ങര ബ്ലോക്ക് ഓഫീസ്, തിരൂരങ്ങാടി താലൂക്ക് ഓഫീസ് എന്നിവിടങ്ങളിലാണ് വിജ്ഞാപനം പുറപ്പെടുവിക്കുക. തുടര്‍ന്ന് നാമനിര്‍ദ്ദേശ പത്രികകള്‍ സ്വീകരിച്ചു തുടങ്ങും. റിട്ടേണിങ് ഓഫീസര്‍, അസിസ്റ്റന്റ് റിട്ടേണിങ് ഓഫീസര്‍ എന്നിവര്‍ മുമ്പാകെ പത്രിക സമര്‍പ്പിക്കാം. രാവിലെ 11 മുതല്‍ വൈകീട്ട് മൂന്ന് വരെയാണ് പത്രിക സമര്‍പ്പിക്കുവാനുള്ള സമയം. അവധി ദിവസങ്ങളായ സെപ്തംബര്‍ 17, 21 തിയ്യതികളില്‍ പത്രികകള്‍ സ്വീകരിക്കില്ല. പത്രിക നല്‍കു്ന്നതിനുള്ള അവസാന തിയ്യതി സെപ്തംബര്‍ 22 ആണ്.

Share this post: