Main News
സംഘർഷം;താനൂരിൽ ഒരാഴ്ച്ചത്തേക്ക് പ്രകടനങ്ങളും പൊതുയോഗങ്ങളും നിരോധിച്ചു

31/05/2019

തിരൂർ:താനൂർ പോലീസ് സ്റ്റേഷൻ പരിധിയിൽ ഇന്നു മുതൽ ഒരാഴ്ച്ചത്തേക്ക് പ്രകടനങ്ങളും പൊതുയോഗങ്ങളും നിരോധിച്ച് ജില്ലാ പൊലീസ് മേധാവി ഉത്തരവിറക്കി.ഇന്നലെ രാത്രി താനൂരിൽ ഉണ്ടായ സംഘർഷങ്ങളെ തുടർന്നാണ് നടപടി. ഇന്നലെ താനൂരിൽ ബിജെപി ആഹ്ളാദ പ്രകടനത്തിനിടെ ഉണ്ടായ സംഘർഷത്തിൽ ഒരു ബിജെപി പ്രവർത്തകന് കുത്തേറ്റിരുന്നു. താനൂർ സ്വദേശി പ്രണവിനാണ് കുത്തേറ്റത്. സംഘർഷത്തിൽ മറ്റുമൂന്നുപേർക്ക് പരിക്കേൽക്കുകയും ചെയ്തിരുന്നു. ആക്രമണങ്ങളുമായി ബന്ധപെട്ട് നാല് പേരെ താനൂരിൽ പൊലീസ് അറസ്റ്റ് ചെയ്തു. രണ്ട് ബിജെപി പ്രവർത്തകരും രണ്ട് എസ്ഡിപിഐ പ്രവർത്തകരുമാണ് പിടിയിലായത്.

Share this post: