Main News
സ്വാതന്ത്ര്യദിനാഘോഷം: മന്ത്രി എ.കെ. ബാലന്‍ മുഖ്യാഥിതി

09-Aug-2017
മലപ്പുറം : ജില്ലയില്‍ നടക്കുന്ന സ്വാന്ത്ര്യദിനാഘോഷ പരിപാടികളില്‍ മുഖ്യാതിഥിയായി പട്ടികജാതി-വര്‍ഗ്ഗ,സാംസ്‌കാരിക വകുപ്പ് മന്ത്രി എ.കെ.ബാലന്‍ പങ്കെടുക്കും. ആഗസ്ത് 15ന് രാവിലെ എട്ടുമണിക്ക് എം.എസ്.പി ഗ്രൗണ്ടില്‍ നടക്കുന്ന വിവിധ പ്രാദേശിക സേനകളുടെ പരേഡില്‍ മന്ത്രി സല്യൂട്ട് സ്വീകരിച്ച് സ്വാതന്ത്ര്യദിന സന്ദേശം നല്‍കും. ഇത് സംബന്ധിച്ച് കലക്‌ട്രേറ്റില്‍ ചേര്‍ന്ന ആലോചന യോഗത്തില്‍ എ.ഡി.എം ടി.വിജയന്‍ അധ്യക്ഷത വഹിച്ചു.
ആഘോഷത്തിന്റെ ഭാഗമായി നഗരത്തിലെ കച്ചവട സ്ഥാപനങ്ങള്‍ അലങ്കരിക്കും. മികച്ചരീതിയില്‍ അലങ്കാരം നടത്തുന്ന സ്ഥാപനങ്ങള്‍ക്ക് സമ്മാനങ്ങള്‍ നല്‍കും. പരിപാടികളില്‍ ഗ്രീന്‍ പ്രോട്ടൊക്കാള്‍ പാലിക്കണമെന്നും നിര്‍ദ്ദേശിച്ചിട്ടുണ്ട്.
പരേഡിന് എം.എസ്.പി. അസിസ്റ്റന്റ് കമാന്റന്റ് സി.വി.ശശി നേത്യത്വം നല്‍കും. സായുധ പോലീസിലെ ഇന്‍സ്പക്ടര്‍ അജിത് കുമാര്‍ സെക്കന്റ്-ഇന്‍ കമാന്റന്റ് ആകും. പരേഡിന് മുന്നോടിയായി സേനാംഗങ്ങള്‍ക്ക് ആഗസ്ത് 11,12,13 തീയതികളില്‍ റിഹേഴ്‌സല്‍ നടത്തും. പരേഡ് ദിവസം രാവിലെ 6.45 മുനിസിപ്പല്‍ പ്രദേശത്തെ സ്‌കൂളുകളെ പങ്കെടുപ്പിച്ച് സിവില്‍ സ്റ്റേഷന്‍ പരിസരത്ത് നിന്ന് പരേഡ് ഗ്രൗണ്ടിലേക്ക് പ്രഭാത ഭേരി നടത്തും.പ്രഭാതഭേരിയില്‍ മികച്ച പ്രദര്‍ശനം നടത്തുന്ന സ്‌കൂളുകള്‍ക്ക് ട്രോഫികള്‍ വിതരണം ചെയ്യും.
കലക്‌ട്രേറ്റില്‍ നടന്ന യോഗത്തില്‍ ഡപ്യുട്ടി കലക്ടര്‍ അബ്ദുല്‍ റഷീദ്, എച്ച്.എസ് ഗീത കെ., ജില്ലാ ഉദ്യോഗസ്ഥര്‍ പങ്കെടുത്തു.

Share this post: