Top News
പൊന്നാനിയിൽ അഞ്ച് അപരന്മാർ; തെരഞ്ഞെടുപ്പ് ചിത്രം തെളിഞ്ഞു

08/04/2019

പൊന്നാനി: മണ്ഡലത്തിലെ തെരഞ്ഞെടുപ്പ് പോരാട്ടത്തിന്റെ വീറും വാശിയും വെളിവാക്കി മുഖ്യസ്ഥാനാർഥികളുടെ അഞ്ച് അപരൻമാർ മത്സര രംഗത്ത്. നാമനിര്‍ദേശപത്രിക പിന്‍വലിക്കാനുള്ള അവസാന ദിവസമായ ഇന്ന് പൊന്നാനി മണ്ഡലത്തിൽ എൽഡിഎഫിന്റെ ഡമ്മി സ്ഥാനാർഥിയടക്കം രണ്ട് പേരാണ് പത്രിക പിൻവലിച്ചത്. യുഡിഎഫിന്റെ ഡമ്മി സ്ഥാനാർഥിയുടെ പത്രിക നേരത്തെ തള്ളിയിരുന്നു. ഇതോടെ മത്സരിക്കുന്നവരുടെ ചിത്രം തെളിഞ്ഞു.

അഞ്ച് അപരൻമാരടക്കം 12 സ്ഥാനാർഥികളാണ് പൊന്നാനിയിൽ മത്സരിക്കുക. മൂന്ന് മുഹമ്മദ് ബഷീർമാരാണ് യുഡിഎഫ് സ്ഥാനാർഥിയുടെ അപരൻമാർ, അൻവർ പി.വി യും, അൻവറും എൽഡിഎഫ് സ്ഥാനാർഥിയുടെ അപരൻമാരായി രംഗത്തുണ്ട്. മലപ്പുറത്ത് എൽഡിഎഫ് സ്ഥാനാർഥിയുടെ അപരനായി കണ്ണമംഗലം സ്വദേശി സാനു എൻ.കെ യും മത്സരിക്കുന്നു.

പൊന്നാനിയിലെ സ്ഥാനാർഥികൾ

അന്‍വര്‍ പി.വി (സ്വതന്ത്രന്‍),   ഇ.ടി മുഹമ്മദ് ബഷീര്‍ (ഇന്ത്യന്‍ യൂണിയന്‍ മുസ്ലീം ലീഗ്),  രമ (ഭാരതീയ ജനതാ പാര്‍ട്ടി),  ബിന്ദു(സ്വതന്ത്ര),  നസീര്‍ (സോഷ്യല്‍ ഡെമോക്രാറ്റിക് പാര്‍ട്ടി ഓഫ് ഇന്ത്യ),  സമീറ.പി. എ (സ്വതന്ത്രന്‍), മുഹമ്മദ് ബഷീര്‍ (സ്വതന്ത്രന്‍), മുഹമ്മദ് ബഷീര്‍ (സ്വതന്ത്രന്‍), മുഹമ്മദ് ബഷീര്‍ (സ്വതന്ത്രന്‍), സിറാജുദ്ദീന്‍ (സ്വതന്ത്രന്‍),  അന്‍വര്‍. പി.വി (സ്വതന്ത്രന്‍), അന്‍വര്‍(സ്വതന്ത്രന്‍) 

Share this post: